Sot, në një bisedë me një kandidate që sapo kishte përfunduar një intervistë në një bankë të nivelit të dytë, u përballa me një shqetësim serioz:
1-Intervista kishte zgjatur vetëm 5 minuta
2-Pyetjet kishin qenë thjesht personale – mbi profesionin e prindërve dhe pritshmëritë për pagën

Ky nuk është një rast i izoluar. Për fat të keq, raste të tilla vazhdojnë të ndodhin në disa organizata, ku procesi i përzgjedhjes nuk respekton as kandidatin, as vetë pozicionin që kërkohet të plotësohet.
Një intervistë pune është shumë më tepër se një takim formal – është një moment vlerësimi i ndërsjelltë:
Për punëdhënësin, është mundësia për të identifikuar profesionistët më të përshtatshëm
Për kandidatin, është një reflektim i kulturës, seriozitetit dhe etikës së organizatës.

Pyetjet jo relevante, intervistat e shkurtra dhe mungesa e transparencës jo vetëm që dëmtojnë reputacionin e institucionit, por edhe ulin ndjeshëm besimin e profesionistëve të rinj në tregun e punës.
Le të nxisim një qasje më të përgjegjshme, më njerëzore dhe mbi të gjitha profesionale në çdo hallkë të procesit të rekrutimit.
Të gjithë kemi një rol për të luajtur: si profesionistë të burimeve njerëzore, drejtues, apo pjesë e ekipeve përzgjedhëse.

hashtag#RekrutimiProfesional hashtag#EtikaNëPunë hashtag#KulturaOrganizative hashtag#HRStandards hashtag#RespektPërKandidatin hashtag#LinkedInAlbania